تجربة طالب | دنيا عاشور | الفرع العلمي | بمعدل 97.6

قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي : 

انا دنيا عاشور - بالفرع العلمي - معدلي 97.6

 أما بالتجريبي 98.1 

اما بالاعوام السابقة 99.4 أو 99.5

أهم نصيحة هي لازم تكون واثق من نفسك 

لأنك رح تتردد بكتير مواقف بتمرها 

لازم تفكر منيح وتختار القرار الصحيح بمساعدة والديك 

وما تخلي التفكير يأثر ع دراستك 

وما تعطي فرصة لحدا من العيلة أو الزملاء في المدرسة 

انه يشوش عليك لأنه رح يخرب على دراستك....

.ركز ركز ركز بالدراسة منيح 

وادرس كل صغيرة وكبيرة 

وتوسع بالمعلومات الي محتاجة توضيح..

ما تاخد كتير خصوصي وتهمل المدرسة 

وبنفس الوقت ما تهتم بالمدرسة وبس ...

ابحث واسال واستعين بمساعدة أصدقاء أو جروبات

 وان شاء الله بتلاقي إجابة مقنعة لاستفسارك... 

الشي الي ما اقتنعت فيه من البداية ما تهمله وابقى وراه 

لحتى تقتنع لأنك رح تلاقي غلطك فيه...

حاول تدرس باصعب الظروف حتى لو صفحة...

اشرب مي كتير بتساعدك على التركيز

.ادرس اول باول وحاول قد ما تقدر 

ما تتأخر عن الدرس الي واصلينه بالمدرسة 

وأدرس وحل كل اختبار بطلبوه منك

 لانه بساعد على تثبيت المعلومة...

خلي عندك مرجع واحد بس اعتمد عليه من بداية السنة...

هو فعليا كل فترة النصائح بتختلف فيها 

بس هادي مبدئيا قبل ما يبدأو يعرفوها 👍👍

استعنت بعدة جروبات للتوجيهي وكان افضلهم

 هاد الجروب (Seniors2021)

 خصوصا بوست الشروحات وكنز الشروحات..

قناة على اليوتيوب للأستاذ عماد أبو تركي..

عدة أساتذة كانوا معنا بالجروب

مراجعي والكراسات هي:-

الوسيط في اللغة العربية

الكامل في الرياضيات

ملازم معلمتي الفيزياء

العميد في الكيمياء

المتميز في الأحياء

فلو مي الانجلش

رابط جروب Seniors2021 : اضغط هنا 

رابط قناة الاستاذ عماد ابوتركي : اضغط هنا