نصائح متنوعة من طلبة الثانوية العامة | مختلف الفروع 

قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , ونقدم لكم بعض التجارب والنصائح التي قدمها الطلاب : 

تجربة الطالب حمزة صنوقة | علمي

نصيحة إنه ما تهتموا بكلام الناس او بتجاربهم الفاشلة

اذا واحد فشل وكانت مادة معينة عنده صعبة

مش يعني إنها صعبة عليك :)

واوعك تفكر انك ما بتقدر تحسن حالك

او انك انت انخلقت هيك مش ذكي وانه الذكاء بنولد مع الشخص

هاد كله كلام حجات وكلام فاضي الذكاء بيتطور مع الانسان

كل ما حاول يطوره ^_^

انا شخصيا كان معدلي بالاعدادي والابتدائي بالثمانينات

بس لما صرت اشتغل عحالي اكتر شوي

وصلت ٩٣ بالصف العاشر وكملت ووصلت ٩٤ بالحادي عشر

وبعدين بالتوجيهي التجريبي جبت ٩٥

واشتغلت عحالي اكتر واكتر وجبت بالوزاري ٩٨.٣

فالمهم انه طريقك بالنجاح انت بترسمه

وما تخلي حدا من صحابك يقلل طموحاتك او يستخف فيك

وبالتوفيق🙂🙂🌹

___________________________________________________________________________

تجربة الطالبة شذى مصطفى | علمي

شذى مصطفى -الفرع العلمي - معدل 82.1 😁

هو انا زمان كنت شاطرة والله

بس دخلت ١١ علمي هيك محدا جبرني

بس برضو كنت بس بدي اجرب فاهمين كيف ؟

جبت اكمال فيزيا بأخر السنة وانبسطت كثير

فكرت رح أكمل اكثر من مادة 😉

وخلص انه توجيهي ارجعه ادبي !

اجت عطلة التوجيهي والكل بدرس

وانا اصلا مش عارف اكمل ادبي ولا علمي

اجا الدوام وكملت علمي وحكيت الادبي فش اله مجالات كثير

بجرب شطارتي بالعلمي وخلص وفتت عندي همة عالية

وقبل ما يخلص الشهر الاول تعبت ومقدرتش

واخذنا اول امتحان شهرين وزاري وجبت ١٥ ونص من ٦٠

وكنت دارس عليه وفكرت وقتها احول عنجد

والكل كان يحكيلي رح ترسبي محدا كان يتأمل مني اشي

وانا طبعا مكنتش اهتم كثير بس بطلت ادرس

احكي مهو هيك هيك راسبة

لأجت عطلتنا بشهر ٣

وحسيت اني عنجد توجيهي وبلشت لحالي ادرس ,

استصعبت لاني كنت معطل أغلب الايام

واداوم مرتين بالاسبوع😂😂😂😂😂

بس درست درست درست وحليت لحالي

وصلت الوزاري روحت من امتحان الدين عيطت

لانه اجا ضع دائرة صعبة لدرجةة وحسيت انه هبل دراستي اخر اشي

لو بلشت من اول كان اعلى والفيزيا كنت حاططلها ٥٠ وجبت ٧٤

الرياضيات نزل الكل بمعدله ف مش محسوب من قصة النجاح😂

حاسس في حكي اكثر بكثيرر

بس خذوني ك عبرة او قدوة مش عارف😂😉❤

 _________________________________________________________________________________

تجربة الطالبة اية عباهرة | تجاري

بدي احكي للاجيال الجاية انو ما حدا يستهتر بهاي السنة 🖤

لانو انا كنت جدا مش مهتمة

وكنت اقضيها على الجوال وما كنت ادرس بتركيز

وبعض الامتحانات نزلت مش خاتمة ,

عنجد بنصح الكل يدرس منيح عشان ما يندم

ويبلش من اول سنة اول باول الدروس

انا جبت بالتجريبي 88.3 وبالوزاري 90

ما تنتظرو انو الوزارة رح تزيد , ويلا بكتب الي عندي

حاولو تفللو الامتحان لانو العلامة بتطلع بالزبط

والكمبيوتر بطلعها وجد ما بزيدو اشي

اركنو ع حالكم وادرسو منيح

واختمو مرة ومرتين وبتركيز وبالتوفيق للجميع 🖤🌸

____________________________________________________________________________ 

تجربة الطالبة سجى عيسى | علمي

سجى عيسى - علمي

بالتوجيهي 91.6

بالتجريبي و اول ثانوي 89

وعاشر 97 😭😭

اهم غلط اني كنت اتأثر بمعدلي

انه نزل كثير عن السنوات الي قبل

بس بعدها بطل يهمني😅

كنت احضر ل بن كامل كان يحفزني كثيرر

وعندي مراجع كثير والحمدلله مرت هالسنة على خير

ونسيت كل التعب بعد المعدل

مع انه مش زي ما بدي😅💔

وفي فضل كبير للجروب (Seniors2021 )

____________________________________________________

زهيرة ابراهيم - الفرع ادبي - حاصلة على معدل 97.1
بالتجريبي جبت 97.6 , انا بالصفوف يلي قبل كنت اجيب 80/79 هيك شي
بعدين بلشت اشد حالي في الصف التاسع جبت 95 , العاشر 98 ,والحادي عشر
أعلى معدل حصلت عليه , طبعا الصف الحادي عشراسهل صف جبت 99.7
طبعا كنت اعتمد على حالي , ما اخذت دروس خصوصي
كان معي بس مساعدات انجليزي فقط , انا اللي تعبت على حالي
ما كان حد يدرسني , اهم اشي كنت أحضر اول بأول, اركز مع لمعلمة
أحل أسئلة للتدريب , أدرس بجدية وبحب , مش ضغط :)
يعني هاذ اهم اشي بالتوجيهيي : التحضير المسبق , التركيز مع لمعلمة
حل الأسئلة لحالك بالدار , أروح على الصف أكون حالة
اذا مش عارفة اشي اسأل المعلمة
كنت ادرس اول بأول : مش احكي هاد مش محسوب ومن هل حكي
لاء كنت اقاتل عشان نص علامة ولو انو مش محسوب
انا كنت احفظ يوم يكون علي امتحان بجدية
لانو ما بصير أهمل , ولما يجي الامتحان الوزاري اقول بدي ادرس
بكون صعب كتير لازم تضغط حالك من اولها وتكون جدي
ما كنت أحب الدروس الخصوصية وما بنصح فيها
لانو عنجد بتضيعك , وكل يلي راحوا اتندموا
لانو بتضيع بين شرح المعلم بالصف وشرح الاستاذ الخصوصي
غير هيك المعلم بعرف شو المهم وشو بجيبوا
اما الاستاذ الخصوصي بعطي كلشي وما براعي المستويات
انا بفضل الواحد يعتمد على نفسو , ويركز بالحصة فقط
وبنصح بمساعد الانجليزي Solution - يوسف شاهين

مجموعة Seniors2021