تجربة طالب | اية يوسف | الفرع الادبي | بمعدل 86.1

قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي : 

ايه يوسف

فرع ادبي

معدل 86.1

بحب احكي انه التوجيهي تعب وتوتر وضغط نفسي

 وكلشي ممكن نتخيلوه

 لهيك لازم تكون شخصيتك قويه وثقتك بنفسك كبيره 

انا من اول التوجيهي متابعة الدروس اول باول 

ولكن بعد بفتره صرت اتكاسل وهاد الاشي ضرني

 كتير بحب احكي انه اهم اشي بالتوجيهي الدراسه اول باول 

وممنوع التكاسل نهائياً طبعا الدراسه اول باول ما بتضغطنا

كلهن 6 ساعات تقريبا بتدرسهن بعد المدرسة

وبعدها ممكن انه نعمل اللي بدنا اياه , 

برد اعيد واكرر الدراسه اول باول هي الوحيده يلي فادتني

 لاني لما انضغطت بالوقت لولا دراستي اول باول ما بلحق

وهلأ بالنسبه للانجلش ويلي هو مشكلتي الكبيره 

ويلي خسف معدلي , انا للاسف ما كنت اعرف كيفيه الدراسة للانجليزي

 وكنت اوخد دورات بس عالفاضي ما فادوني شي

وبالنهايه اتطلعت ع حالي شفت نفسي ولا اشي 😿

 قمت اشتغلت عحالي من خلال دراستي 

بمساعدة مساعد يوسف شاهين, 

جد مساعد كتير حلو وبنصح الجميع يشتروه 

كلشي في موجود اصلا بتحس انك مع استاذ مو مع مساعد 

وصرت ادرس وادرس وحطيت تركيزي بالانجليزي 

وطبعاً صابتني حالة نفسية قبل الامتحان

 يعني كانت دراستي مش منيحة ما عرفت لا ادرس 

ولا انام ولا اوكل ولا اشرب😏

بالنسبة الي كان في عطلة معنا هاي السنة , وهاي ساعدتني

 اما الكم فبنصحكم دراسة الانجليزي اول باول 

وتركزو عليه خصوصا الضعاف فيه ونا بأكدلكم

 اذا درستو اول باول ومتابعين مع استاذكم

 ومساعد يوسف شاهين صدقوني ما رح تندموا ورح تفللوا فيه 

وبالنسبة للتعيبر فانه كنت اخبص من عقلي بالامتحان😂

بس كان في عندي مفردات ومعاني طبعا هالاشي ساعدني

بتمنالكم كل التوفيق والنجاح وانشاء الله يتكون سنه خير لالكم😍😘