تجربة طالب | رؤى فريحات | الفرع العلمي | بمعدل 93.6
قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي :
رؤى من محافظة جنين مدرسة بنات اليامون الثانوية 🤦🏻♀️
معدلي بالتوجيهي ٩٣.٦ علمي
طول عمري كنت من الاوائل
كنت دائما ما بين ٩٤ و ٩٧
بعد ما خلصنا اول ثانوي مباشرة
بلشنا دروس فيزيا وكيميا ورياضياتوانجليزي ,
مش لانه كنت ضعيفة فيهمبس ما كنت اركن على المدرسة كتير
طبعا اول شهر دروس كنت متحمسة جدا وبدرس أول بأول ,
بعد الشهر صرت عادي ادرس الحصة الي بحسها مهمة 😂
وبنهاية كل أسبوع اي اشي متراكم علي بدرسه ...
اول اسبوع من المدرسة بلشو يحكولنا انتو توجيهي
وبدكم تنسو النوم والطش
المدرسة كانت كالعادة زيها زي اي سنة ,
بس الفرق التجريبي كان اشي كتير مهم
نموذج مصغر عن الوزاري
ضغط وخوف وكان عنجد كتير مفيد
الثغرات بكل مادة بتقدر تعرفها,
ونصيحة محدا يحكي التجريبي مش مهم
بالعكس تماما جبت بالتجريبي ٩٣ وبالمدرسة ٩٤ ..
بالنسبة للعطلة بين الفصلين كنت كتير مكسلة
ونفسية سيئة بس مع هيك ,
كملت دروس خصوصي رياضيات وفيزيا
وكان الكل ملاحظ انو متراجعة لحتى سمعت كلمتين
من معلمة نبهتني على غلطي ورجعت بداية الفصل التاني
عارفة ايش المواد الي بدها جهد اكتر مني
واشتغلت عليها اول بأول وطبعا
قدمنا امتحانات شهرين وعطلنا 😂
وهون بلشنا دراسة وكنت على اقل من مهلي وبختم مرة وتنتين
بس الكتاب مش اكتر بكل رياحة
طبعا الي بعدنا يمكن ما تصحلهم هيك فرصة ...
بالنسبة للحذف كنت مختمة اغلب المواد
بس طلع الحذف فرحت وزعلت بنفس الوقت
لانه صرت خاتمة اغلب المواد 😂🤦🏻♀️
برمضان كسلت كسلت بس كنت احل اسئلة سنوات سابقة ...
اخيرا الوزاري اقرف مرحلة خوف وتوتر
وقلة نوم وهم كيف بدي اختم المادة بيوم
بس الله هونها وكلو مرق الا الرياضيات
ما قدرت ادرس بعده خاصة الجلسة التانية خبصت فيها
مع انها كانت سهلة بس خوف توتر
وما رضيت ادرس احياء لتاني يوم
١٥ ساعة متواصلة دراسة مشان اختم الله يهده
وبالاخر اجى الامتحان اشياء رئيسية🤢
والحمدلله بالاخر ٩٣.٦ 🙂
ملاحظة : الي بحكيلك ما تطلع ايام التوجيهي
بكون يا اما مفكر انو هاد الاشي بخليك تجيب علامات
او بدو يحطم نفسيتك . والاغلب بكون من النوع التاني 😂
انا كنت اطلع بس تصحلي فرصة
مع انه اهلي ما كانو يقبلو بس ما كنت ارد عليهم😂
بس ما تحطو الطلعة اولوية . ..
الدراسة اهم بس ضمن طاقتك برضو 😂
