تجربة طالب | دنيا ابوشمسية | الفرع العلمي | بمعدل 93.9

قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي : 

دنيا أبو شمسية الفرع العلمي معدلي 93.9 

بالتجريبي جبت معدل 89

 والسنين السابقة كان معدلي بين 90-93

ما أخذت أي دورة وما شريت أي مساعد

 اعتمدت على نفسي اعتماد كامل

نصيحتي ادرسوا أول بأول ومنيح منيح وبتركيز احفظوا كل اشي 

وعيدوا المادة أكتر من مرّة لانه التكرار بعلم الشطار🤭

حلّوا خارجي قد ما بتقدروا لحتى تقدروا

 تاخدوا أكبر عدد ممكن من الأفكار

ما تتهاونوا بالامتحانات اليومية لإنه مجرد ما درست منيح لليومي 

خلص المرة الجاي بكون مجرد مراجعة 

وهيك بتوصل للامتحانات بس بتكون بدك تراجع

كمان ابعد عنك الناس السلبية مين ما كان 

وما تشارك تفاصيل دراستك مع حد 

حتى صحابك , ودائماً خلّي قدامك ورق مكتوب عليه جمل ايجابية

 مثلا هاي الصورة من مكتبي (الصورة موجودة بعد القصة )😌🤍

اه ادرسوا على مكاتب مش تخت لإنكم راح تناموا

وأي حد بدّوا مساعدة وانتو بتقدروا ساعدوا ما راح يصيرلك اشي

 بالعكس يمكن هاي المساعدة سبب نجاحكم!!!!

قبل كل امتحان اقرؤوا سورة ياسين بتسهل كل اشي صعب

واتوكلوا على الله

بس تروحوا كونوا مقتنعين إنه أنا عملت يلي علي و راضية والحمد لله 

وصلّي ركعتين شكر  إذا كان سهل

 وإذا كان صعب ركعتين لله

وإن شاء الله كلهم فوق التسعين 🙌🏻🤍🤍🤍