تجربة طالب | ايناس حسن | الفرع علمي | بمعدل 99.1
قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي :
ايناس حسن - علمي - ٩٩،١
رح احكي باختصار عن اهم اشياء لازم تعملهم بالتوجيهي
والشائعات اللي لازم نبعد عنها
١) قصة النوم : كنت كثيييير بسمعها حتى الله يسامحهم من اساتذة
ع الفيس ومشهورين ،كان استاذ يضل يحكي انه بحضرّ للدكتوراه
وأيام ما بنام فيها وانه ساعات نومه قليلة ومعدلاته عالية
،وطبعا الطلاب يقلدوه , وهاد اكبر غلط ،
بالنسبة لعمرنا اقل شي لازم ننامه ٦ ساعات
وهاد مثبت علميا ! وخذوا مني:
مش مهم كم ساعة درست قد ما هو مهم كم ساعة ركزت فيها ،
قلة النوم ما بتخلي الواحد يركز
٢) لازم الواحد يكون واثق من قدراته وما يتوتر وقت تقديم الامتحان،
لانه جد في كثير طلاب شاطرين والتوتر نزل معدلاتهم
وكثييير كمان ،وخاصة العلمي ..
في امتحانات ما بتلحق تراجعهم مرة ثانية ،
زي الفيزياء والرياضيات سنتنا يااا دوووب راجعنا مراجعة سريعة
(هاد مش احباط) بس بحكوا اسئلة الفيزياء والرياضيات سنتنا
كانت ظالمة، والي توتر أخفق بالامتحان ،
يعني عادة مش هيك الاسئلة بتكون لهيك
ان شاء الله بكون معكم وقت كاف للمراجعة ،
وللتخلص من التوتر اي طالب معه وقت يحضر محاضرات
٣) ،يخلي نيته طيبة ويساعد اي حد حسب مقدرته،
مش يخبي علمه لخوف حد يتفوق عيله
لانه عواقبها كبيرة
وبالتوفيق للكل
