تجربة طالب | بشرى الاشقر | الفرع التجاري | بمعدل 98.7

قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي : 

بشرى اشقر

٩٨.٧

تجاري

القصة أكبر من أي إشي بنوصف ... 

الموضوع إنه هاي السنة أكتر سنة رح تتعب فيها..

طبعاً بالفعل نسيت النوم وأيامه..نسيت لياليه وأحلامه 

كرمال المعدل وإني أرفع راسي وراس أهلي وكل حد بحبه ..

بعمري ما تخيلت إني ممكن أجتاز هاي المرحلة ع خير وسلام .. 

لكن الحمد لله ربنا لطف ومرقت هالسنة بخيرها وشرها .

نصيحةةة ببلاش مني ، شد ع حالك وما تنام واسهر 

وتجاهل وتنازل عن كل مبادئك وطلعاتك ونزلاتك .. 

لإنه لحظة تمسك الجوال وتستنى النتيجة هاي لحالها كفيلة إنها تخليك واعي 

وحريص لكل ثانية ودقيقة من وقتك ...

وبتمنى التوفيق والخير للأجيال الجاية كلها...

 والله يطعمكم الفرحة لإنها بالفعل حلوة و لا لغة تصفها ولا تنصفها ...

تحياتي 🌺