تجربة طالب | صابرين زهد | الفرع العلمي | بمعدل 86.4
قامت إدارة مدونة Palestine Seniors و مجموعة Seniors2021 بسؤال طلبة الثانوية العامة لعام 2020 عن تجربتهم في الثانوية العامة وأهم النصائح التي من الممكن تقديمها للجيل الجديد , وكانت احدى الاجابات من احد الطلاب كالتالي :
صابرين زهد - المعدل ٨٦.٤ علمي ❤
كأي بنت كان الي حلم و اهداف كتير ، بس الاحباط سيطر
بشكل مش طبيعي , ما ضل مرض الا وأجاني ، تعبت كتير ،،
كنت كل يوم انام ف المدرسة اخر مقعد ،
و كل يوم اسمع من اهلي و من المعلمات كلام بشع ،
اني غبية و بستوعبش و اني مش قدرتي ادخل علمي ،
كل البنات ضحكو عليا لأني رسبت بالتجريبي ،
صراحة انكسرت بعد م كان حلمي ادخل طب بشري و اجيب ٩٩ ،
دخلت ع اجازة توجيهي ، ما عندي دفاتر ادرس منهم ،
مش فاهمة و لا حرف في اي مادة ، فش وقت اخد خصوصي ، ببساطة هرسب
بس خليت ايماني بالله كبير اني قوية و اني هجتاز كل اشي ،،
بديت بالاحياء و الرياضيات ،، تخيلو حضرت مادة الاحياء
كلها الكتروني كلها ع قناة روافد بطلت احس في عيوني، تعبت كتير
بس خلصتها في اسبوعين و في الاسبوعين هدول حضرت المادة
و درستها و سمعتها و عدتها ، كان عندي اصرار،
اجيت لمادة الرياضيات حضرت الفصل الاول كله و نص التاني ع قناة صفوف
و خلصتها ،و الاشياء يلي م فهمتها في استاذ ساعدني فيهم و فهمني ياهم ،
يعني بتقدرو تعملو زيي و الاشياء يلي م فهمتوها تاخدو فيهم
حصة او حصتين خصوصي ،،،،
المهم طبعا م كان معي وقت ادرس كل اشي ، الكيميا اختياري فما دقيت عليها
حضرت وحدة العضوية لمحمد العبادلة و فهمتها بس ما درست فيها اشي
و جبت ٦٦ هاد دليل ع انه الاستاذ فخم و بنصح الكل فيه هو ع اليوتيوب
الدين و العربي كل مادة م اخدت اكتر من ٣ ايام ،،
الفيزيا و الله امتحانها ما طلع عن الكتاب نهائي ، بس كنت بكره المادة
و محبطة جدا منها ،،، كان معي ادرسها في الاجازة و كان معي ٣ ايام
قبل الامتحان بس ما درستها نهائي و توقعت ارسب فيها ،،،
لهيك ما تيأسوا لولا هالمادة كان جبت معدل ف ال ٩٠ ،،،
الانجليزي درسته يوم الامتحان من السليوشن (يوسف شاهين ) ،
طريقة الدراسة احفظ الكلمات بتقدر بعدها ترجم اي قطعة و تكتب تعبير بسهولة
و افهم القواعد بس ،،، التكنو العملي سهل ف وقتها م كان عندي جهاز لابتوب
كتت اروح ع المدرسة في الاجازة و اتعلم و النظري درسته يوم الامتحان الصبح
تافه جدا ،،، انا ما كان معي غير شهر ما كتت فاهمة اشي و ما كان معي دفاتر
اكيد وضعكو احسن من وضعي ،،،
لهيك انتو اقوى مني و هتجيبو كلكو فوق ال ٩٥
خلال يأسي كنت اتطلع ع ورقة كاتبة فيها معدل واطي
و شو هيصير لو جبت معدل واطي و مين هيتشمت فيا
كنت كل ما اشعر بالاحباط اقرا الورقة هاي و ارجع ادرس بهمة ,
تنسوش الاذكار يلي بتعينكو ع الدراسة ،،،
حل وزاري ما حليت نهائي ، و اتطمنو لو ما معكو وقت تحلو ،
طول ما انتو هاضمين الكتاب هتجيبو فوق ال ٩٥ ،،،
بس الاشي بده روح حلوة و عزيمة و اصرار
و تفاؤل و قوة و ربنا م بخيب حد
باقي قصتي تخصصت طب مخبري الاشي يلي بحبه
اكتشفت انه موجود ف مجال الطب المخبري مش البشري
يعني و عسى تكرهوا شيئا و هو خيرا لكم ،،،
لو جبت معدل الطب البشري ما كان هيكون خير الي 🌸
نسيت اقلكم بالنسبة للعربي ع اليوتيوب في الاستاذ علي العقرباوي
حضرت اله الاعلال فخم جدا ❤
كونوا اقوى من الظروف
موقع روافد : اضغط هنا
موقع صفوف : اضغط هنا
قناة محمد العبادلة : اضغط هنا
قناة علي العقرباوي : اضغط هنا
